Kryetari i Partisë Demokratike, Lulzim Basha, ka nisur sot turin e takimeve me qytetarët në Durrës, nga ku deklaroi se opozita nuk do të ndalet në asnjë rast dhe se do të sjellë ndryshimin për të cilin vendi ka nevojë.
Gjatë fjalës së tij Basha tha se PD-ja është e përkushtuar ndaj angazhimeve.
Mes të tjerash ai i kthehu sërish përgjigje ftesës për bashkëpunim nga kryeministri Edi Rama, ndërsa shtoi se “për PD, opsioni i bashkëpunimit me krimin është dhe do të jetë zero”.
Para dhe pas zgjedhjeve të 25 prillit, Kryeministri Edi Rama ka folur për një bashkëpunim me opozitën, duke u shprehur se nuk do të ketë vija të kuqe në bisedimet me Partinë Demokratike. Në anën tjetër kreu demokrat Lulzim Basha ka përjashtuar çdo mundësi bashkëpunimi apo bashkëqeverisjeje me Edi Ramën.
