Vritet në rrethana ende të paqarta një 27 vjeçar në Tiranë. Policia thotë se 27 -vjeçari u plagos dhe më pas nuk arriti të mbijetojë si pasojë e plagëve të marra. Mësohet se bëhet fjalë për shtetasin Mehmet Qema.
Ngjarja ndodhi në rrugën ‘5 Maji’.
Njoftimi i policisë
Më datë 10.05.2021, rreth orës 23:15, në rrugën “5 Maj”, në rrethana ende të paqarta është plagosur me armë zjarri pistoletë, shtetasi M. Q., 27 vjeç, i cili si pasojë e plagëve të marra ka ndërruar jetë në spital.
Sherbimet e Policisë kanë shkuar menjeherë në vendngjarje, kanë bërë rrethimin e zonës dhe po kryejnë kontrolle për kapjen e autorit.
Gjithashtu janë shoqëruar në Komisariat disa shtetas të cilët dyshohen se kanë dijeni për ngjarjen.
Grupi hetimor ndodhet në vendngjarje dhe nën drejtimin e Prokurorisë po punon për sqarimin e rrethanave të ngjarje, si dhe mbledhjen e çdo prove të mundshme që do çojë në identifikimin dhe kapjen e autorit.
