Policia e Korçës ka arrestuar tre persona, pasi akuzohen se ndihmuan 4 shtetas shqiptarë, për të kaluar ilegalisht drejt Greqisë, nëpërmjet kufirit të gjelbër.
Sipas burimeve policore bëhet me dije se janë vënë në pranga, shtetasit A. R., 49 vjeç, banues në Pogradec, E. Sh., 21 vjeç dhe J. B., 35 vjeç, banues në Devoll, të cilët kanë ndihmuar shtetas të tjerë të kalojnë kufirin, kundrejt shpërblimit 2500 euro.
Shtetasit nuk i janë bindur urdhërit të policicë për të ndaluar por janë kapur dhe neutralizuar.
Pas shkëmbimit të informacionit me homologët grekë, 4 shtetasit shqiptarë janë kapur nga autoritetet policore greke.
Materialet i kaluan Prokurorisë Korçë, për procedura të mëtejshme.
