Bojken Lako dhe Semi Jaupaj i kanë dhënë fund lidhjes së tyre pas shumë vitesh bashkë. Këtë lajm e ka bërë të ditur vetë Semi në “Kënga Magjike”, ku merr pjesë me këngën “Jetike”.
Në intervistë, ajo u pyet nga Ardit Gjebrea: “A je akoma me Bojkenin?”
“Bojkeni do ngelet një mik i imi i zemrës. Kam shumë respekt për të dhe do kem gjithnjë. Është një njeri i afërt i imi. Një mik!”
Lidhja mes tyre u zbulua nga mediat në vitin 2011, kur Semi ishte vetëm 19 vjeç. Bojken Lako është treguar gjithnjë i rezervuar për jetën e tij private, por gjithsesi para disa kohësh pranoi publikisht se ndjenja për Semin e ka ndryshuar atë.
Arsyet e prishjes së kësaj marrëdhënie nuk janë bërë të ditura.
