Akademiku i njohur Artan Fuga thotë se kryesia e Partisë Demokratike duhet të ndjekë shembullin e Sahit Dollapit, i cili dha dorëheqjen nga posti i Sekretarit Organizativ në PD, pas rezultatit të zgjedhjeve të 25 prillit.
“Ndryshe nuk ka gjë në vijë! Po fare!”, shkruan Fuga në postimin e tij në rrjetet sociale.
“Me keqardhje për opozitën e them, sepse opozita është institucion pa të cilin nuk ka kurrë as shtet ligjor, as demokraci. Flas për opozitë politike, jo opozitën retorike”, shton.
“Përshëndes dorëheqjen e z. Sahit Dollapi nga posti i sekretarit organizativ i Partisë Demokratike! E gjithë kryesia e asaj partie nëse i ka mbetur sadopak edukatë politike duhet të bëjë njësoj, të japi dorëheqje kolektive para këshillit kombëtar! Ndryshe nuk ka gjë në vijë! Po fare! Me keqardhje për opozitën e them, sepse opozita është institucion pa të cilin nuk ka kurrë as shtet ligjor, as demokraci. Flas për opzotë politike, jo opozitën retorike”, shkruan Fuga në postimin në FB.
