Megjithëse asnjë prej autoriteteve shëndetësore në vend, përfshi edhe ministren Ogerta Manastirliu, nuk deklarojnë publikisht nëse do të ketë një vendim për heqjen e orës policore në vend, e cil tani kufizon lëvizjet nga ora 22:00 deri në 06:00, deputeti socialist Ervin Bushati, shpreh bindjen se më 1 qershor, Shqipëria do të hapet plotësisht.
Nga studioja e “Quo Vadis”, Bushati parashikoi që 2021 do të jetë një vit pozitiv për Shqipërinë.
“Ky do të jetë një vit shumë i mbarë, do të kemi hapje të shoqërisë, edhe ekonomia do të rindezë motorët. Shqipërinë e pret një vit i mbarë në 2021. Shumë shpejt do të shikojmë një Shqipëri tjetër në verë. Besoj se më 1 qershor Shqipëria do të hapet totalisht” tha ai.
