Ministrja e Shëndetësisë, Ogerta Manastirliu, u shpreh sot se Shqipëria tashmë ka dalë nga zona e riskut, pasi është ulur numri i viktimave dhe rasteve të reja me COVID-19.
Në emisionin “Opinion”, ajo tha se masat dhe fushata e vaksinimit ka ndikuar në uljen e rasteve me COVID-19, teksa tha se situata e krijuar nga pandemia është nën kontroll në Shqipëri.
Manastirliu theksoi se masat e kufizuese do të rishikohen në varësi se si do të vijojnë shifrat e persnave të infektuar me COVID-19.
“Prej ditës së djeshme ne kemi dalë nga zona e riskut. Kjo do të thotë se Shqipëria është vend që ka një incident të ulët nën 50 raste për 100 mijë banorë në 14 ditët e fundit. situata e krijuar nga pandemia është nën kontroll. Dëshira është që të kemi një lehtësim të masave.
Ne me masat e shenjestruar që kemi marrë jemi në një situatë shumë më e mirë. E para është masave të shënjestruar që kanë dhënë impakt në uljen e infektimve dhe e dyta është vaksinimi. 145 mijë kanë marrë të dyja dozat. Ne kemi një ekip që monitor efektet anësore të vaksinave të ndryshme, ka pasur raste për shembull dhimbje të krahut. Nuk kemi pasur efekte në lidhje me fatalitetet”, tha Manastirliu.
E pytur nëse ka mënyrë të përzgjedhjes së vaksinës, ministrja tha se është bërë një shpërndarje kapilare. “Nuk e kemi vendosur me përzgjedhje, ajo që është disponibël ajo do të përdoret”, u shpreh Manastirliu, ndërsa shpjegoi se ka një rekomandim të veçantë për disa problematika specike ku rekomandohet vaksina e Pfizer.
“Sipas udhëzimeve të ISHP janë disa kategori, kryesisht ata me leuçemi, dializë, të transpalantuar apo me sëmundje të riaktivizuara si tumoret, të cilëve u është vendosur Pfizer. Jo për faktin se të tjerat nuk janë efektive, por sepse ka më shumë studime për këtë vaksinë”, u shpreh Manastirliu.
E pyetur lidhur me efektet anësore të AstraZeneca në Shqipëri, ajo u shpreh se nuk ka raste fatalitetesh të lidhura me këtë vaksinë.
“Asnjë rast që të ketë lidhje shkak-pasojë me vaksinën AstraZeneca”, deklaroi ministrja
