Ministrja e Shëndetësisë, Ogerta Manastirliu, u pyet mbrëmjen e sotme në emisionin Opinion, nëse do të vijonte të ishte pjesë e Qeverisë së re të Edi Ramës.
Manastirliu tha se kjo çështje i përket Kryeministrit, i cili do të ndërtojë edhe kabinetin qeveritar.
“Unë do të vijoj të jem në krye të detyrës deri në shtator, kohë kur do të mblidhet Parlamenti i ri dhe do të miratohet Qeveria e re. Nuk më takon mua të them nëse do të jem pjesë ose jo e Qeverisë pasi kjo i takon Edi Ramës”, tha Manastirliu.
Gjithashtu ajo shmangu përgjigjen mbi pyetjen nvse ajo do të kishte ose jo dëshirë të vijonte të drejtonte Ministrinë e Shëndetësisë.
