Pandemia po ndryshon gjithnjë e më shumë sjelljen e të rinjve, që tani janë më pak socialë, më të përfshirë në rrjetet sociale e internet, por më pak të varur nga droga dhe alkooli.
Ky është rezultati i një studimi të kryer me pjesëmarrjen e mbi 5 mijë të rinjve në Itali me autorë Fondacionin Foresta.
Mes rezultateve të anketës vihet re gjithashtu një rritje e fortë e bullizmin në rrjet, gjithnjë e më shumë pasiguri mbi orientimin seksual, një në tre meshkuj vuan nga vetmia dhe mes femrave një në tre viziton rregullisht faqet pornografike.
Sipas sondazhit italian, numri i adoleshentëve që janë të pasigurtë në lidhje me prirjet e tyre seksuale është dyfishuar, duke shkuar në 15 për qind nga 8 për qind që ishte para pandemsië. Për shkak të kufizimeve të vendosura nga Covid, rrjetet sociale janë shndërruar në mjetin kryesor të komunikimit dhe lënies së takimeve.
Efektet anësore të qëndrimit për një periudhë të gjatë të lidhur në internet, verën studimi, janë dyfishimi i fenomeneve të njohura si “sexting” dhe “cybersex”. Një e treta e të anketuarve thonë se praktikojnë “sexting”, siç është pagëzuar komunikimi përmes mesazheve me një gjuhë seksuale.
Fenomeni tjetër lidhet me gatishmërinë e të rinjve për të kryer marrëdhënie seksuale para kamerave të kompjuterave, apo telefonave të tyre. Studiuesit italianë thonë se 6 për qind e numrit të të rinjve të anketuar thonë se kanë kryer, ose kanë guximin që të kryejnë marrëdhënie seksuale online.
