Janë konfirmuar rastet e para në SHBA me sëmundjen e njohur si “Sindroma Havana” e cila është shfaqur për herë të parë në ambasadën amerikanë në Kubë në vitin 2016.
“Sëmundja Havana” përfshin simptoma si dhimbje koke, dëmtime të trurit, përvoja të çuditshme të dëgjimit të zhurmave, ndjesi të çuditshme, humbje kujtese dhe të vjella.
Jen Psaki, sekretarja e Shtëpisë së Bardhë në një deklaratë për shtyp tha se ende nuk e dinë shkakun e kësaj sindrome, ndërsa shumica dërrmuese e personave që janë prekur kanë udhëtuar jashtë SHBA-ve.
Administrata Biden ka nisur një hetim të kësaj sindrome, ndërsa dhjetëra amerikanë janë diagnostikuar me këtë sindromë.
Ndërkohë kujtojmë se në një studim të vitit 2019 në Journal of Medicine thuhej se “Sindroma Havana” mund të jetë një formë e sëmundjes psikogjene. Sëmundja psikogjenë është një term që i referohet çrregullimeve fizike të cilat vijnë nga stresi emocional dhe modernë.
