58-vjeçari, Koço Bozo, i cili vrau një ditë më parë bashkëshorten e Liljanën jashtë gjykatës së Elbasanit nuk ka dhënë shumë shpjegime para policisë për ngjarjen.
Ai ka deklaruar para grupit hetimor se ishte xheloz dhe se ia kishte bërë të qartë bashkëshortes se nuk do të ndaheshin.
“I pata thënë se nuk do të ndahej prej meje. Donte të më fuste në burg”, mësohet të ketë deklaruar.
Ngjarja u regjistrua disa metra larg Gjykatës së Elbasanit mesditën e 6 majit 2021.
Kamerat e sigurisë të bizneseve përreth filmuan gjithë skenën e rëndë të krimit që ndodhi disa metra larg Gjykatës së Elbasanit, mesditën e 6 majit 2021.
Në Gjykatën e Elbasanit ishte caktuar të mbahej seanca gjyqësore ndaj 58 vjeçarit, Koço Buzo i akuzuar për “Dhunë në familje”. Ish-efektivi i policisë nuk është paraqitur dhe gjyqtarja ka vendosur të shtyjë seancën.
Rreth orës 11:24 minuta viktima, 54-vjeçarja Liljana Buzo është larguar nga Gjykata së bashku me avokatin e saj Gëzim Toçila.
Ata kanë hyrë në një rrugicë në të djathtë të godinës së gjykatës.
Nga pamjet filmike duket që autori i ndjek nga pas.
Vrapon 30 metra rrugë me vrap me armën në dorë dhe qëllon me breshëri pas shpine bashkëshorten e tij në një distancë të afërt.
/Ora News/
