Një i ri është vënë në pranga nga policia e kryeqytetit pasi ndaj tij rëndonte një dënim me burg për shfrytëzim prostitucioni.
Policia njoftoi këtë të Premte se, “specialistët e Seksionit për Hetimin e Trafiqeve të Paligjshme në DVP Tiranë bënë kapjen e personit të shpallur në kërkim Enea Sinani, 32 vjeç, sepse Gjykata e Apelit Tiranë, e ka dënuar me 7 vjet burg, për veprën penale ‘Shfrytëzimi i prostitucionit’”.
Sinani bashkë me persona të tjerë, akuzohen për një ngjarje të nisur në vitin 2013. Sipas hetimeve të prokurorisë, ata kanë shfrytëzuar për prostitucion një vajzë të pastrehë, asokohe e mitur.
Lidhur me këtë dosje, është arrestuar disa ditë më parë edhe Elton Drapi, 33 vjeç.
