Policia e Matit ka arrestuar një 30-vjeçar, i cili dyshohet se ushtronte aktivitet të kundraligjshëm në lokalin e tij.
Ngjarja ka ndodhur në qytetin e Burrelit, ku shërbimet e policisë kanë sekuestruar 7 pajisje elektronike, të gjendura në lokalin në pronësi të shtetasit U.P, banues në qytetin e Burrelit.
Në këto pajisje dyshohej se ushtrohej aktivitet i kundraligjshëm i lojrave të fatit.
Në përfundim të veprimeve hetimore nga specialistët për Hetimin e Krimit në Komisariatin e Policisë Mat, u procedua penalisht në gjendje të lirë shtetasi U. P., 30 vjeç, banues në Klos, për veprën penale “Organizim i llotarive të palejuara”.
