Andi dhe Melisa konfirmuan lidhjen e tyre të dashurisë pak ditë më parë. Mbrëmjen e djeshme Melisa dha intervistën e parë, ku rrëfeu të pathënat e kësaj marrëdhënie.
E ftuar në “Roped With Olsi”, Melisa pranoi se bashkëjeton me Andin, siç është përfolur kohë më parë në rrjet. Për më tepër, ish-konkurrentja shtoi ata kanë “fëmijë”, duke iu referuar një qeni dhe një qenusheje.
“S’jemi vetëm ne të dy. Ne jemi katër. Ne kemi fëmijë, të paktën unë i konsideroj si fëmijë. Kemi një qen dhe një qenushe, Kiko dhe Mia. Mia është goca ime domethënë”, tha Melisa.
