Një person është arrestuar dhe dy të tjerë janë shpallur në kërkim lidhur me grabitjen e dy ditëve më parë në kryeqytet.
Ngjarja ndodhi më 4 Maj në rrugën “Mihal Duri”, ku 3 persona i vodhën me dhunë 3.000.000 lekë të reja punonjësit të një pike valute, Q.Z., 60 vjeç.
Në kuadër të operacionit të koduar “Valuta”, u vu në pranga Roni Spaho 22 vjeç, i dënuar më parë për vjedhje.
Gjithashtu u shpallën në kërkim shtetasit M. Gj., 26 vjeç, i dënuar më parë për vjedhje dhe M.B.(B)., 26 vjeç, i dënuar më parë për plagosje të rëndë.
Vijon puna për kapjen e shtetasve të shpallur në kërkim, të cilët kanë qenë dy personat që ndodheshin me motor në momentin që ka ndodhur ngjarja, ndërsa shtetasi Roni Spaho, i arrestuar, i ka ndihmuar duke i informuar për lëvizjet e të dëmtuarit, njoftoi policia, që bëri me dije po ashtu se janë sekuestruar paratë e grabitura.
Materialet në ngarkim të tyre i kaluan Prokurorisë pranë Gjykatës së Rrethit Gjyqësor Tiranë, për veprën penale “Vjedhja me dhunë” kryer në bashkëpunim, shtuan të njëjtat burime.
