Kreu republikan, Fatmir Mediu, i pranishëm në emisionin Log. në ABC, u shpreh se Edi Rama e parashikoi rezultatin e zgjedhjeve pasi i ka bërë të gjitha të kalkuluara.
“Po ta shikonin rritjen e opozitës do të kishte më shumë mandate nëse nuk do kishte atë lloj vjedhje. Naiviteti i opozitës është se zgjedhjet mund të ishin fer.
Nuk ka zgjedhje fer me Edi Ramën. Nuk ka vend në Bote që të rrijë katër vjet pa Gjykatë Kushtetuese. Është puc shtetëror. Shkatërroi edhe Parlamentin një dorë ia dhamë edhe ne. Shkatërroi çdo lloj marrëdhënie të drejtë të ekonomisë së tregut. Kur në një shtet nuk gjen mundësi për të ndërtuar të ardhmen tënde do të ikësh”, tha Mediu.
Sipas tij, me një vendim të një komiteti tërësisht politik sipas interesave të Edi Ramës u penguan të marrin pjesë në votim qytetarë shqiptarë.
“Nuk ndodhi as nga Italia, as nga Mali i Zi. Prishte kushtetuta për tre ditë. Ndryshohet Kodi Zgjedhor. Të gjitha politikat që u bënë ishin vetëm për të krijuar konfuzion. Fleta e votimit u bë si telebingo. Çdo gjë që e ka bërë është vetëm për të sabotuar procesin. Mënyrën e votimit të atyre që u blihet u çohet me fletë si bëhet.
Kemi rivlerësimin e votave të pavlefshme. Në rang republike një mandat përkthehen në 12 mijë vota, ato të LSI shkojnë në 45 mijë vota”, tha ai.
