Angel di Maria përjashtohet nga loja. Fernandinho e provokoi Di Marian dhe ky i fundit ra në kurth, gjyqtari nuk e fali.
“Qytetarët” edhe takimin e parë e fituan me 2:1 dhe me rezultat të përgjithshëm 4:1 kualifikohen në finalen e madhe të Champions League.
Futbollisti Riyad Mahrez shkatërroi PSG-në! Manchester City është finalisti i parë në Champions League dhe pret fituesin e përballjes Chelsea – Real Madrid!
City ka shënuar fitore me rezultat 2:0 ndaj PSG, në takimin që u zhvillua në stadiumin “Etihad” në Manchester.
“Qytetarët” edhe takimin e parë e fituan me 2:1 dhe me rezultat të përgjithshëm 4:1 kualifikohen në finalen e madhe.
Në minutën e 11-të, Mahrez dinak, nga afërsia në një pozitë pak të vështirë shënon për 1:0.
Në periudhën e parë të lojës, parisienët patën dy mundësi të mira por të pafat.
Në minutën e 16-të, Marquinhos gjuajti bukur me kokë, por shtylla ia mohoi golin.
Pas 3 minutave (19’) Angel Di Maria pati rast ideal, por fati nuk është me argjentinasin, përpjekja e tij shkon ngjitur me shtyllën.
Në minutën e 63-të, një veprim i shpejt i vendasve rezulton me gol, Foden asiston dhe Mahrez nga afërsia e shtyn topin në rrjetë, 2:0.
Në minutën 69-të, Angel di Maria përjashtohet nga loja. Fernandinho e provokoi Di Marian dhe ky i fundit ra në kurth, gjyqtari nuk e fali.
Trajneri i Manchester Cityt, Pep Guardiola, arriti synimin e tij, të kualifikohet në finalen e madhe, ndërsa PSG kokulur e të dëshpëruar deri në pikën e fundit.
Manchester City – PSG 2:0
Stadiumi “Etihad” në Manchester.
Gjyqtar: B. Kuipers.
Shënues: Mahrez (11′ e 63’).
Kartona të verdhë: Zinchenko, De Bruyne – Verrati, Herrera, Kimpembe, Danilo.
Manchester City: Ederson, Zinchenko, Dias, Stones, Walker, Fernandinho, Gundogan, Foden (Aguero 85′), Silva (Sterling 82’), Mahrez dhe De Bruyne (Gabriel Jesus 82’).
PSG: Navas, Florenzi (Dagba 75’), Marquinhos, Kimpembe, Diallo (Bakker 83’), Paredes (Danilo 75’), Herrera (Draxlera 62’), Di Maria, Verratti, Neymar dhe Icardi (Kean 62’).
