Presidenti Ilir Meta ka reaguar pas dorëzimit në Kuvend të kërkesës së 50 deputetëve socialistë për shkarkimin e tij.
Përmes një postimi në rrjetin social, Meta e cilëson kërkesën për shkarkim një shashkë, ndërkohë që hetimi real duhet të bëhet mbi krimet zgjedhore pasi është detyrë e të gjithë subjekteve të ndjekin procesin deri në fund, duke qenë se asgjë nuk ka përfunduar.
“Të përqëndrohemi në mbylljen e procesit zgjedhor. Asgjë nuk ka përfunduar! Të vazhdojë administrimi i çdo kontestimi dhe ankese deri në rinumërimin e votës së fundit.
Detyrë e të gjithë subjekteve të ndjekin procesin deri në fund. Mos u merrni me “shashka”, por me hetimin e krimeve zgjedhore!”, shkruan Meta.
