Partizani ka mposhtur 1-0 Apoloninë duke marrë kreun e Kategorisë Superiore.
Goli i fitores për “Demat”, u shënua nga Jasir Asani në minutën e 78-të. Pas një topi të marrë nga Çinari, Asani gjuan me të djathtën dhe e ndal topin në fundin e rrjetës.
Partizani ishte dominues gjatë gjithë ndeshjes, por përballë hasën një Romeo Hraizaj në superformë, i cili me ndërhyrjet e tij vendimtare, i mohoi golin të kuqve në disa raste. Vlen të theksohet edhe rasti i minutës së 52-të, kur Çinari pa t’i pritej gjuajtje nga Harizaj, ndërsa Bardhi në të njëjtin aksion u ndal nga shtylla.
Me këtë rezultat, Partizani ngjitet në kuotën e 57 pikëve, 1 më shumë se Teuta e vendit të dytë.
