Me pesë viktimat e konfirmuara në 24 orët e fundit, numri i të vdekurve në Kosovë si pasojë e COVID-19 ka shkuar në dy mijë e 183.
Që nga 13 marsi kur janë konfirmuar dy rastet e para pozitive, numri i të infektuarve ka shkuar në 105 mijë e 535 raste nga 539 mijë e 710 persona të dyshimtë në virusin SARS-CoV-2.
Në 24 orët e fundit janë regjistruar 160 raste të reja, ndërsa janë shëruar 415 pacientë.
Numri i përgjithshëm i të shëruarve deri më sot është gjithsej 95 mijë e 45 raste, kurse numri i rasteve aktive është tetë mijë e 307.
