Disa persona u arrestuan nga policia e Tiranës për vepra të ndryshme penale.
Policia bëri me dije se J.D 34-vjeç ka rënë në pranga pasi gjatë kontrollit iu gjet dhe sekuestruar një sasi lëndë narkotike.
Gjithashtu specialistët për Hetimin e Krimit në Komisariatin e Policisë Nr.1 u bë arrestimi në flagrancë i shtetasit Sh. L., 36 vjeç, pasi ka ushtruar dhunë fizike dhe psikologjike ndaj bashkëshortes së tij.
Nga Komisariati nr.3 u bë arrestimi i 55 vjeçarit Gj.S, pasi në bashkëpunim me një person tjetër ende të paidentifikuar i kanë vjedhur portofolin një qytetareje me inicialet O.H.
Ndërkohë një 24-vjeçar, E.Z është arrestuar pasi nëpërmjet presioni psikologjik i ka marrë rreth 20,000 lekë të reja një 15-vjeçare.
Po ashtu në pranga kanë rënë edhe disa persona nga specialistët e qarkullimit rrugor, përkatësisht: O. N., 35 vjeç, K. M., 33 vjeç dhe S. S., 29 vjeç, pasi janë kapur duke drejtuar mjetet përkatëse në gjendje të dehur.
Ndërsa më datë 01.05.2021, u referuan materialet në Prokurorinë pranë Gjykatës së Shkallës së Parë Tiranë, punohet për kapjen e shtetasit M. M., 25 vjeç, pasi në bashkëpunim me një shtetas tjetër ende të paidentifikuar kanë goditur me grusht shtetasin E. S.
