Historia e bukur e dashurisë mes Soni Malajt dhe Flori Mumajesit mbahet mend nga të gjithë, por shpejt erdhi dhe ndarja e tyre. E teksa kanë kaluar 10 vite që nuk kishte asgjë që i bashkonte dy këngëtarët e njohur, tashmë ka ardhur bashkëpunimi i tyre i radhës.
Soni Malaj prezantoi këngën e saj pjesëmarrëse në “Kënga Magjike” të këtij viti dhe tekstin e kësaj balade që të rrëqeth mishin e ka shkruar Flori Mumajesi.
Në një intervistë për “Top Albania Radio”, teksa vlerësoi punën e ish-partnerit të saj si kantautor, këngëtarja u shpreh se balada iu propozua nga vetë Flori Mumajesi dhe u mirëprit nga publiku.
“Si bashkëpunim artistik ka mbaruar me albumin “Unik”, nga ai album dolën këngë të ndryshme e më pas nuk kemi bashkëpunuar. Mund të kenë kaluar gati 10 vite që prej atij bashkëpunimi. Mu propozua si këngë, sepse djemtë mendonin se është këngë e përshtatshme për mua. Flori padiskutim ka veçantinë e tij, si bashkëpunim jo u mirëprit por u përqafua shumë,”- tregoi ajo.
Kujtojmë se kjo ndodhi menjëherë pas lajmit se Soni Malaj dhe Klevi nuk janë në ditet më të mira të dashurisë së tyre.
