Leipzig-Dortmund është finalja e Kupës së Gjermanisë. Verdhezinjtë nuk hasën probleme në duelin gjysmëfinal kundër Holstein Kiel, ekip që garon në divizionin e dytë të futbollit gjerman.
Dortmundi nuk e ndjeu aspak mungesën e Erling Haaland dhe fitoi 5-0. Llogaritë e kualifikimit u mbyllën që në pjesën e parë, fraksion gjatë së cilit u shënuan të pesë golat.
Holstein rezistoi vetëm 17 minuta. Giovanni Reyna zhbllokoi ndeshjen, teksa talenti amerikan gjeti golin e dytë personal gjashtë minuta më vonë. Më pas erdhën golat e Marco Reus e Thorgan Hazard.
Në minutën e 42-të pati festë edhe për 17-vjeçarin Jude Bellingham. Pjesa e dytë nuk kishte më histori, Dortmund triumfoi me “manita” dhe do të diskutojë trofeun në finalen me Leipzig më datë 13 maj.
