Sot do të luhen 7 sfida të javës së 22 të Kategorisë së Dytë. Duke filluar nga ora 15:00, do të zhvillohen 6 takime të Grupit A, Shkumbini kryesues do të presë në shtëpi skuadrën e Gramshit. Luzi do të luajë në transfertë ndaj Valbonës. Tërbuni do të ndeshet në shtëpi ndaj skuadrës së Bulqizës.
Internacionali do të sfidojë në shtëpi Adën e Velipojës. Mirdita do të sfidohet ndaj Klosit. Iliria do të luajë sfidën e saj ndaj Shënkollit. Në këtë grup, Sopoti i vendit të dytë do të jetë pushim.
Në Grupin B, do të zhvillohet vetëm një ndeshje me fillim nga ora 13:30, Butrinti-Gramozi.
