Klubi i Dritës nuk po kalon një moment të mirë në Superligën e Kosovës, teksa mesjavë barazuan me Besën që edhe matematikisht ka rënë një kategori më poshtë.
Me këtë barazim, Drita humbi edhe kryesimin, teksa tashmë e sheh veten në vendin e tretë me 65 pikë, 2 më pak se Ballkani kryesues dhe 1 më pak se Prishtina e vendit të dytë.
Menjëherë pas barazimit, në Kosovë nisën të qarkullojnë lajme se presidenti i klubit, Valon Murseli, po mendonte dorëheqjen.
Megjithatë ka qenë presidenti i Dritës, i cili ka konfirmuar se do të qëndrojë në krye të klubit nga Gjilani, ndërkohë që këtë e ka bërë të ditur nëpërmjet një komunikate në faqen e klubit, ku shkruan se për shkak të disa angazhimeve ka mëndur largimin, por kjo nuk do të ndodhë në këtë moment të sezonit.
POSTIMI I DRITËS:
Te dashur INTELEKTUAL besnik dhe ju adhurues të futbollit.
Klubi jonë FC DRITA në dy ndeshjet e fundit nuk ka marrë rezultate pozitive duke e vështirësuar shumë rrugën drejt mbrojtjes së titullit Kampion!
Jemi të vetëdijshëm që këto rezultate negative tek disa tifozë e kanë zbehur besimin për suksese, por DRITA edhe në vitet më të lavdishme të saja, ka kaluar nëpër këso lloj pengesash e presione dhe nuk ka pasur forcë që e ka ndalu drejt qëllimit të saj.
Sot jemi edhe ne të zhgënjyer së bashku me ju për këto rezultate negative prandaj edhe ju kërkojmë falje, sepse futbolli i ka të gjitha rezultatet prandaj ne si një ekip kampion i vendit duhet ta pranojmë çdo rezultat!
Duke pasur parasysh angazhimet e mija familjare dhe të bizneseve gjithandej nëpër botë, tani e një vit kam menduar tërheqjen nga posti i presidentit të klubit por asnjëherë nga aksionet qe kam në klub!
Në këto momente jemi të fokusuar tërësisht në ndeshjet e radhës dhe dorëheqja ime nuk bëhet fjalë tani, sepse ne llogaritë i bëjmë në fund të sezonit!
Klubi do të jetë në duar të sigurta dhe do të vazhdojë sigurt drejtë synimeve tona të përbashkëta edhe për shumë vite!
Forca DRITA
Me respekt,
Valoni
