Kreu i degës së Partisë Demokratike në Kukës, Arif Rexhmati, ka akuzuar Drejtorin e Policisë së Qarkut, se po mban në mënyrë të paligjshme në komisariat sekretarin e Aksionit Qytetar, Ermir Matmuja.
Sipas Rexhmatit, sekretari u ndalua padrejtësisht ditën e sotme në orën 13:00, duke shtuar se shoqërimi i tij në Polici është bërë vetëm për tekat e drejtorit politik te Drejtorise se Policise Vendore Kukes.
Më tej, kreu i PD-së Kukës deklaroi se Edi Rama po zgjat duart e tij jo vetëm te zgjedhjet por edhe te personat që kontribuan për mbrojtjen e votave të kuksianëve.
“Edi Rama dhe urdherzbatuesit e tij ne kundershtim te hapur me ligjin, po i zgjasin duart jo vetem tek zgjedhjet por edhe tek ata persona qe kontribuan qe votat e kuksianeve te mos tjetersohen! Sot rreth ores 13.00 u ndalua padrejtesisht Ermir Matmuja Sekretar i Aksionit Qytetar prane Deges se PD Kukes! Matmuja mbahet i shoqeruar pa asnje shkak vetem per tekat e drejtorit politik te Drejtorise se Policise Vendore Kukes!” shkruan Rexhmati.
