Ka shumë vite në karrierë si trajner i Partizanit, por asnjëherë Ilir Bozhiqi nuk kishte përjetuar skena si ajo në Laç. Trajneri i portierëve të të kuqve u godit me shishe pas koke nga të pranishmit në tribunën e kurbinasve.
Padyshim që kjo sjellje është arkivuar në dosjen e Komisionit të Disiplinës që pasditën e sotme pritet të dalë me vendime për javën që lamë pas.
Me interes pritet të shihet pikërisht se cila do të jetë masa që do të marrë organi i drejtësisë sportive në vend. Nëse do të ishim në një kohë normale, pra pa pandemi, neni 65 pika b e rregullores së futbollit thotë:
“Rastet e verifikuara të sjelljeve të përshkruara që shkaktojnë akte dhune ose ndërprerje të përkohshme të lojës, sanksionohen me zhvillimin e jo më pak se katër ndeshje pa spektaktorë”.
Kujtojmë që, për këtë rast, ku veç shishesh, nuk munguan sharjet në kor ndaj lojtarëve dhe stafit teknik të Partizanit.
