Një aksident me një person të plagosur rëndë ka ndodhur këtë të Premte në kryeqytet.
Policia njoftoi se ngjarja është shënuar rreth orës 14:10, në rrugën e Rinasit, tek kthesa e Laknasit.
Sipas të njëjtave burime, mjeti me drejtuese shtetasen G.S., 46 vjeçe, ka aksidentuar këmbësorin shtetasin M.H., 75 vjeç, i cili ndodhet në spital, në gjendje të rëndë shëndetësorë.
Grupi hetimor vijon punën për zbardhjen e rrethanave të aksidentit, thuhet më tej në njoftimin paraprak të bluve për ngjarjen.
