Një aksident me vdekje ka ndodhur këtë të Premte në fshatin Zharrëz të Patosit.
Policia njoftoi se rreth orës 13:45, shtetasi E.S., 33 vjeç, banues në Patos, duke drejtuar automjetin tip “Opel”, është përplasur me një motomjet me drejtues shtetasin A.H., rreth 50 vjeç, banues në fshatin Zharrëz.
Si pasojë e përplasjes ka ndërruar jetë drejtuesi i motomjetit.
Është shoqëruar drejtuesi i automjetit dhe po kryhen veprimet procedurale, shtoi policia, ndërsa grupi hetimor po punon për zbardhjen e plotë të ngjarjes.
