Enkelejd Alibeaj, ish-deputet i PD-së, ka publikuar sot fakte dhe prova mbi atë që opozita e cilëson si krim zgjedhor.
Alibeaj tha se çdo ditë dalin në pah fakte, prova dhe dëshmi të akteve të Ramës –Doshit dhe bandave të pushtetit për të vjedhur zgjedhjet.
“Në video që do të ndjekim tani, të gjithë do të shihni dhe dëgjoni se si prokurori para zgjedhjeve thotë se nuk kishte asnjë provë në makinat e bandave të Elbasanit”, tha Alibeaj.
Në vijim të denoncimit, Alibeaj tha se pas zgjedhjeve, prokurori deklaron të kundërtën, ai thotë se policia gjeti para dhe karta identiteti në makinë.
“Ja si po mbrohet masakra elektorale Rama-Doshi. Kjo që shihni këtu është vetëm maja e ajsbergut.
Të gjithë shqiptarët janë të vetëdijshëm se se si kanë vepruar Rama-Doshi dhe bandit e pushtetit për të vjedhur dhe blerë rezultatet e zgjedhjeve. Të tjera fakte dhe të dhëna do të publikohen në ditët në vijim.
Një gjë është e sigurta. Ne do të luftojmë me gjithë fuqinë dhe besimin që qytetarët na dhanë në këto zgjedhje, në mënyrë që të rrëzojmë regjimin Rama-Doshi”, tha kandidati demokrat.
