Kandidati i Partisë Demokratike në Elbasan, Luciano Boçi ka arritur që të sigurojë vendin në kuvend dhe pse sipas listës fituese ai ishte renditur i shtati.
Boçi ka arritur të thyejë herësin duke siguruar 11076 vota duke kaluar automatikisht pjesë e listës së deputeteve demokrat për këtë qark ku në zgjedhjet e 25 prillit Partia Demokratike siguroi 6 mandate.
Përmes një postimi në rrjetin social Boçi ka falënderuar të gjithë qytetarët për besimin që i kanë dhënë. Ndër të tja ai ka shprehur vlerësimet dhe për kreun e PD-së Lulzim Basha që i besoi kandidimin dhe për drejtuesin politik Gazmend Bardhi.
Postimi i plotë:
Shumë pak të shprehësh vetëm falenderime për qytetarët e qarkut Elbasan, të cilët më votëbesuan ndershmërisht, me ideal e vërtetësi, pa u ndikuar as nga paratë e pushtetit, as nga dhuna e tij, as nga joshjet e miklimet për favore!
Nuk mjafton vetëm mirënjohja për strukturat e Partisë Demokratike të qarkut e drejtuesit e tyre, komisionerët, vëshguesit, grupet mbështetëse, përfaqësuesit e ZAZ-ve, numëruesit, të gjithë anëtarët e PD, të cilët më përkrahën pa bujë e zhurmë, po me shpirt e zemër, nē këtë betejë të pabarabartë me të keqen!
Përulje respekti për ekipin tim të mrekullueshëm e të palodhur, plot jetë, vlera e vizion, me vajza e djem të mençur, entuziastë e me shumë dëshirë për të ardhmen!
Nderime pa fund për shokët e miqtë e mi të shumë brezave e shtresave e bashkëpunëtorët e kaq viteve politikë, të cilët nuk u shkëputën as një minutë e centimetër nga lufta krah meje!
Vlerësime të sinqerta e të vërteta për Kryetarin e PD, zotin Basha që me besoi kandidimin, për Gazin që drejtoi me dinjitet fushatën e qarkut, për grupin cilësor të deputetëve që me diferencat e qëndrimeve e opinioneve kalimtare, më motivuan më shumë.
Në fund, familja ime tashmë e rritur në numër, jam vetë unë!
Megjithatë nuk mund të bërtas dot FITORE, sepse kjo e imja është thjesht një rreshtim i ri pranë të gjithëve ju!
Beteja për të çnjërrosor të keqen që ka pushtuar vendin vazhdon..
