Nga Boldnews.al
Lidhja e pushtetit me paratë publike duket se do të bëhet haptazi pas zgjedhjeve të 25 prillit. Rilindja dhe njerëzit që qendrojnë pas saj, kryesisht oligarkë dhe të afërm të ministrave, deputetëve apo drejtorëve, kanë filluar të marrin benefitet e para. Natyrisht, rezultati i zgjedhjeve kishte një kosto të madhe, kryesisht financiare. Janë shpenzuar dhjetëra miliona euro për të nxjerrë në “dritë” kandidatët e preferuar, qoftë edhe të Partisë Socialiste. Mjafton që të shohësh listën brenda PS-së për të kuptuar kush ka hedhur më shumë para. Dhe, një ndër ta, dyshohet se është z.Xhemal Qefalia. Shikoni pak renditjen e z.Qefalia.
Renditet i 14-ti, ku në emër të Xhemal Qefalia janë 6664 vota nga radhët e Partisë Socialiste. Z.Qefalia ka rrezikuar që të mos fitojë mandat, pasi dy kandidatët që janë renditur pas numrit 18 kanë thyer herësin. Fatmir Xhafaj dhe Ornaldo Rakipi janë bërë deputet. Xhafa ka zënë vendin e Fidel Yllit i renditur i 15-ti, ndërsa Rakipi ka zënë vendin e Ervin Bushatit, i renditur i 3-ti, pasi kishte më pak vota. Pra, votat kanë shpëtuar z.Xhemal Qefalinë. Ai u bë deputet në datën 26 prill. Por, për koiçidencë ose jo, në të njëjtën datë ka “fituar” edhe vëllai i tij, Lulzim Qefalia. Ky i fundit ka në pronësi me 50 % firmën “DAJTI PARK 2007”.
Ndërkohë, kjo firmë ka si objekt tregtim të artikujve të ndryshëm ushqimorë etj. Dhe, në datën 26.04.2021, në të njëjtën ditë që vëllai i tij po festonte fitoren e Partisë Socialiste, Lulzimi ka fituar një tender rreth 200 mijë euro nga Agjencia e Blerjeve të Përqendruara.
Firma ka fituar pikërisht lotin 1 të një tenderi rreth 1.5 milionë euro që kishte si objekt “shërbim gatimi dhe shpërndarje ushqimi për Repartin Ushtarak nr. 6630”. Pra, në të njëjtën ditë u gazuan të dy vëllezërit. Njëri për mandatin dhe tjetri për milionat nga buxheti i shtetit. Ti gëzoni të dy dhe presim në ditët në vijim edhe “shëprblimet” për firmat që kanë lidhje me deputetë apo ministra, për të kompensuar sadopak shpenzimet e zgjedhjeve.
