Një person është plagosur me thikë në Kamëz këtë të Enjte.
Polica njoftoi se, rreth orës 14:35, në rrugën “Paqësori”, si pasojë e një konflikti të çastit, shtetasit H.L. dhe djali i tij A.L. kanë goditur me një mjet prerës shtetasin J.V. dhe më pas janë larguar menjëherë nga vendngjarje.
Si pasojë është dëmtuar shtetasi J.V., i cili u dërgua në spital për ndihmë mjekësore, dhe ndodhet jashtë rrezikut për jetën.
“Po punohet për kapjen e autorëve”, shtoi policia, ndërsa “grupi hetimor ndodhet në vendngjarje dhe po punon për sqarimin e rrethanave të ngjarjes”.
