Një vrasje në familje ka ndodhur pas mesnatës në fshatin Allabegi të Maqellarës (Dibër), ku një 26-vjeçar ka qëlluar për vdekje me thikë të vëllanë, 23 vjeç.
Policia njoftoi se rreth orës 00.30, Florian Tonuzi, 26 vjeç, në rrethana ende të pa qarta dyshohet se ka goditur me mjet prerës vëllain e tij Benard Tonuzi, 23 vjeç. Ky i fundit, si pasojë e plagëve ka humbur jetën në spital.
Pas marrjes së njoftimit për ngjarjen, shërbimet e policisë kanë shkuar në vendin e ngjarjes dhe vijon krehja e zonës me qëllim lokalizimin e vendndodhjes dhe kapjen e autorit të dyshuar të ngjarjes, shtuan të njëjtat burime.
Ndërkohë, grupi hetimor vijon hetimet për zbardhjen e shkaqeve të plota të ngjarjes.
