Nga Boldnews.al
Në të njëjtën kohë që në Shqipëri po mbaheshin zgjedhjet e 25 prillit dhe po zgjidheshin baballarët e rinj të kombit, Kuvendi i Shqipërisë ka hapur një tender me vlerë plot 200 mijë euro. Kërkohen pajisje virtuale për sallat e Kuvendit.
Sipas dokumenteve që disponom Boldnews, Kuvendi ka hapur tenderin me objekt “infrastruktura virtuale VDI”. Pra, të vjetrit dhe të rinjtë kanë kërkuar kushte më komode për punën e tyre. Nuk mjaftojnë benefitet që kanë aktualisht, që nga pagat, dietat, lehtësirat për kreditë, pagesët e telefonit, karburantit etj, por ata kërkojnë edhe komoditete në punë. Dhe, të gjitha në kurriz të taksapaguesve shqiptarë!
Boldnews ka siguruar dokumentet e tenderit, ku ajo që bie në sy është shifra e lartë e tenderit: 200 mijë euro! Në fakt, këtyre nuk mund t’u hyjnë shumë në sy, por ne taksapaguesve na duket nje shifër shumë e lartë. Natyrisht, duke parë verdallë PPP, leje, tendëra, kjo shifër dukët si një pikë ujë në oqean për mazhorancën aktuale dhe atë që do të vijë në shtator.
Përdorimi i parave për tërmetin dhe pandeminë te një grusht njerëzish ka sjellë që ato të “shpërndahen” në mënyrën e duhur. Ndoshta në fusharë apo zgjedhje! Duke pasur në dorë të gjjtha pushtetet, mazhoranca ia ka dalë që të qarkullojë qindra miliona euro vetëm te njerëzit e besuar, duke sjellë më pas një zinxhir që përfundonte te njerëzit e thjeshtë. Ata që shantazhohen me bukën e gojës. Apo atyre që për një copë bukë të shisnim votën.
Megjithatë, ajo çka paguajnë shqiptarët, apo do të vijojnë të paguajnë, janë padyshim këto benefite. Kryesisht për njerëzit që na drejtojnë! Apo edhe për patronazhistët që na përgjojnë në çdo moment!
