Tetë vjet më parë, Nar Koka u bë fija lidhëse mes Edi Ramës dhe Ilir Metës për të farkëtuar të ashtuquajturën aleancë të qelbësirave në vitin e largët 2013.
Më shumë se 8 vite më pas vendin e Nar Kokës e ka zënë ambasadorja amerikane, e cila pasi uroi Edi Ramën për fitoren mbi fitore. Shkoi dhe te Lulëzim Basha për ta uruar për vendin e dytë më të mirë në zgjedhje.
Duket se Ambasadorja po tenton ti imponojë opozitës dorëzimin pa kushte dhe futjen nën qeverinë e Edi Ramës ose tredhjen e saj për të pranuar votimet e 25 prillit dhe mandatimin e Ramës në mandatin e tretë, por që me zgjedhje si këto, pa frikë mund të themi i ka hap rrugë mandatit të katërt, të pestë dhe kështu me radhë të ish-Partisë së Punës.
I urojmë suksese ambasadores në këtë mision të saj sikundër dhe zotit Rama për mandatin e radhës, por s’mund të lëmë pa harruar dhe zotin Basha, i cili në vend të merret me vërtetimin e masakrës zgjedhore gjen kohë të presë zonjën Kim.
Ajo që e lidh ambasadoren amerikane me Nar Kokën duket se është dëshira që Edi Rama të mbajë pushtetin.
