Klasikja shqiptare ndërmjet Tiranës dhe Vllaznisë, ka përfunduar me rezultatin 1-0 në favor të kryeqytetasve.
“Bardheblutë” triumfuan me një gol të shënuar nga Idriz Batha në minutën e 74-t. Kapiteni realizoi nga goditja e dënimit, një gol që rezultoi vendimtar për fatet e sfidës. Edhe pse nga një kënd tepër i vështirë, topi nuk është devijuar nga askush dhe ka përfunduar në rrjetë.
Për t’u theksuar është fakti që në minutën e 80-të ndeshja u ndal për shkak se autoambulanca ishte larguar nga stadiumi dhe kjo u vu re nga delegati i ndeshjes. Sa u tha, Victor Da Silva dhe Halili ishin dërguar në spital, për shkak të dëmtimeve të pësuara në fushë. Për gati 15 minuta ndeshja u ndal dhe me rikthimin e autoambulancës rinisi sërish.
Me këtë rezultat, Tirana ngjitet në kuotën e 49-pikëve, duke pretenduar edhe ajo për titullin kampion. Ndërkohë, Vllaznia mbetet me 53 pikë ndërsa tashmë humbet kryesimin dhe “rrëshqet” në vendin e 3-të.
