Janë mbyllur 45 minutat e para, të 3 sfidave të vlefshme për javën e 30-të të Kategorisë Superiore.
Klasikja e futbollit shqiptar mes Tiranës dhe Vllaznisë, vazhdon të jetë e mbërthyer në barazim pa gola, takim ky shumë i rëndësishëm për fatet e këtij sezoni në Superligë.
Ndërkohë pjesa e parë e supersfidës tjetër mes Laçit dhe Partizanit, është mbyllur në barazim 1-1. Të parët kaluan në avantazh të kuqtë me anë të Cinarit në minutën e 10-të, ndërkohë përgjigja e vendasve ka ardhur shpejt teksa barazuan shifrat në minutën e 18-të.
Autor i golit është një njohje e vjetër e të kuqve, pikërisht Emiljano musta, i cili pas një krosimi të Markut, i vjedh kohën Esat Malës dhe e dërgon topin në rrjetë.
Nga ana tjetër Teuta kryeson 0-1 në transfertë kundër Kukësit. Për durrsakët realizoi Krasniqi në minutën e 12-të.
