Nga Piro Ahmetaj
Të nderuar bashkëAtdhetarë,
Para dhe mbi të gjitha: «E vërteta ështe ilaçi më i mirë dhe si këmbanë e fortë alarmi për ti shpëtuar vlerat e së djathtës nga prangat e platformës së Kotovicës bollshevike, të mbështetur mbi «destabilitetin e pronës dhe fuqinë e votës së lirë”!
Në vijim të kësaj platforme famëkeqe, në 25 Prill Shqipëria ka humbur, jo vetëm demokratët por të gjithë shqiptarët nuk kanë fituar, pasi zgjedhjet janë shitur nga kompania private e lulezim.isufaj@co!
Së dyti, projekt mashtrues si firmat piramidale të Xhaferit dhe Alimuçës; prokurimet për 12 të deleguarit politik të Partisë dhe tenderat natën për listën fituese në të 12 qarqet; keq-shpërdorimi komisionit të ngjeshur me dekorata por në vartësi të spiunit me letra (!!); riciklimi i ushtrisë së ish-zyrtarëve të korruptuar dhe të uritur drejt pushtetit: «për rritjen e shifrave dhe fitorjet historike që e presin opozitën herën tjeter, në betejën e 2025/29», mungesa foshnjarake e burrërisë për të dhënë dorëheqjen, gjajnë më shumë mjerane se nga përrallat e Ali komikut të Bagdadit, i cili kur forcat ushtarake të USA hynë në Kryeqytet, gajasi CNN-in, dhe mbarë botën duke konfirmuar se: “forcat e gardës së Sadam Hysein po korrnin fitore legjendare në front 1200 km larg Bagdadit” !
Ky ishte dhe dhe mbetet fati-simbol për të gjithë pusht-etarët paranojakë që vjedhin pronat, pushtojnë Institucionet, privatizojnë partitë politike, sundojnë qytetarët dhe sfidojnë vlerat demokracisë Eurotlantike !
Së treti, sigurisht vendi kishte dhe mbetet domosdoshmëri kritike për rotacion politik.
Po ashtu jam i bindur se projekti Rama.Veliaj@Co i ka fituar pa asnjë merit zgjedhjet e 25 Prillit 2021!
Kështu si Gjeneral* i rritur në perëndim, ju përcjell një mesazh publik të dyve njëherësh, që: «të mos e shpërdorojnë fitoren si «Piros së Epir-it» deri në hakmarrje cinike kundër domosdoshmërisë jetike që ka ardhmëria e Shqipërisë për harmoninë e balancave demokratike si SHBA dhe gjithë Europa».
Së katerti, megjithë humbjet e përsëritura dhe dëshpëruese 2015; 2017; 2019 dhe turpëruese 2021, nuk është rasti as koha për tu gjynjëzuar, as bërë triumfalin se kush ka folë më shumë kundër mavro-kapitenit të anijes së mbytur të Lulezim Bashës!
Ai në të drejtēn e tij univerale mundet të shkuaj edhe libra për misionet e humbura ose me përrralla si Ali komiku Bagdadit: «sikur nën lidership-in e Tij na qënkan bërë rruga e Kombit, anëtarësimi në NATO, vizat, tuneli i Elbasanit, paska fituar me Ramën zgjedhet 2011; 2015.2017, 2021, etj» ! Por Shqiptarët nuk vinë as nga Hollanda as nga planet tjetër!
Në të kundërt dhe përtej të gjithave, e çmoj si Emergjencë Kombëtare edhe posaçërisht si përgjegjësi fisnike të gjeneratës së lindur në liri (mbas viteve 1990), dhe jo vetëm, se është koha për tu ringritur nga hiri i vlerave të së djathtës së Mid’hat bej Frashëri për ta çliruar PD e “pushtuar nga lulezimët pa kellqe dhe sekserët e pushteteve” si dhe rikthyer Shqiptarëve besimin te demokracia funksionale, familja, prona, vota dhe Zoti, si USA dhe gjithë Europa !
Ndërsa për mos-dorëheqjen edhe pas kësaj humbje turpëruese, Kryekomisari Lulzim BASHA të mos dëgjoj këshillat e sekserëve të familjes, as strategët dhe përgjegjësit e SMV dhe as tē mos trimërohet nga rambo komikët e ardhur për për karrige në Tiranë !
PD nuk është kompani private as lodër e dhuruar kalamajsh, por kalaja e aksioneve dhe banka e vlerave të rreth 125 mijë demokratëve !
Duke qënë kështu dhe mbas kësaj “humbje të pamundur” Lulzim Basha do ti duhet dhe patjetër që do të iki i turpëruar nga drejtimi i Partisë, ashtu kokëulur, pa lavdi dhe pa asnjë fitore të vetme në 8 vjet!
Thënë sa më sipër, s’ka vënd fare për dëshpërim. Në të kundërt mbetem shpresëplotë që mbas Lulëzimve pa këllqe nuk do bëhet fare qameti (siç nuk u be për Enverin), por ditë më të mira do vijnë për PD, për demokratët dhe mbarëShqiptarët!
përkushtimisht Piro Ahmetaj,
Shënim: Marrë nga faqja ne FB e:
Gjeneral ® Piro AHMETAJ, Ekpert i Lartë i Sigurisë Kombëtare & NATO,
Zv/President i Këshillit të Atlantikut,
Ish-Këshilltar i Sigurisë Kombëtare-PD,
Këshilltar Ushtarak i Presidentit,
Zv/SHSHPFA & Përfaqësues i RSH në SHAPE/NATO
