Mposhti kancerin për herë të dytë, ylli i Rolling Stones rrëfen eksperiencën e dhimbshme

Legjenda e rokut, Ronnie Wood ka ndarë eksperiencën e tij me luftën ndaj kancerit për herë të dytë. Duke folur për gazetën britanike The Sun, kitaristi 73-vjeçar i Rolling Stones zbuloi se ishte diagnostikuar me qeliza të vogla karcinome, një kancer që prek zakonisht mushkëritë, gjatë izolimit të koronavirusit.

“Unë kam pasur kancer në dy mënyra të ndryshme. U diagnostikova me kancer të mushkërive në vitin 2017 dhe luftova me qeliza të vogla kohët e fundit, në izolimin e fundit” – tregoi ai.

“Tani po kaloj shumë probleme, por gjatë gjithë shërimit tim, duhet ta lija gjithçka të ndodhte. E tëra çfarë mund të bëja ishte të qëndroja pozitiv, të isha i fortë dhe ta luftoja atë.”

Ai ka zbuluar më parë se ai u diagnostikua me kancer fillimsiht në 2017-ën, gjatë një kontrolli rutinë pas 50 vjetëve që pinte duhan. Wood ishte kundër kimioterapisë nga frika se do të humbte flokët, por iu nënshtrua një operacioni 5-orësh për të hequr një pjesë të mushkërive të tij.