Zëdhënësi i kreut të shtetit, Tedi Blushi ka reaguar fill pas akuzave të kryebashkiakut të Tiranës, Erion Veliaj. Ky i fundit e quajti Metën gënjeshtar duke thënë se nuk e dha dorëheqjen nga Presidenca pavarësisht premtimit që bëri, edhe pse PS mori mbi 71 mandate.
Në një reagim, zëdhënësi i Presidentit Ilir Meta, Tedi Blushi shprehet:
Për të gjithë sahanlëpirësit e Bablokut: Presidenti Meta di vetëm TË MBAJË FJALËN!
Presidenti Meta e ka bërë të qartë se nëse Edi Rama fiton 71 mandate në mënyrë demokratike do të japë dorëheqje.
E gjithë Shqipëria e di si i ka fituar Babloku këto zgjedhje, ndaj qetësohuni: NUK KA DORËHEQJE!
Më herët, Blushi njoftoi se në Korrik 2021, kohë që përkon dhe me përfundimin e mandatit si President të Ilir Metës, ky i fundit do ti bashkohet LSI-së.
