Një grua është plagosur pasi është përplasur nga një automjet në Tiranë. Ngjarja ka ndodhur në zonën e njohur si “Pallatet Çabej”, ndërsa e plagosura sipas policisë, është jashtë rrezikut për jetën.
“Rreth orës 13:40, në rrugën ‘Besim Alla’ mjeti me drejtues shtetasin e mitur me iniciale K. L., ka aksidentuar një këmbësore rreth moshës 50-vjeçe, e cila ndodhet në spital, nën kujdesin e mjekëve, jashtë rrezikut për jetën. Grupi hetimor ndodhet në vendngjarje dhe po punon për sqarimin e rrethanave të aksidentit”, njoftoi policia.
