Laçi-Partizani do të jetë supersfida e javës së 30-të të Kategorisë Superiore. Dy ekipet që kanë si objektiv titullin kampion këtë sezon do të përballen mes tyre në Laç.
FSHF-ja kishte programuar që kjo ndeshje të luhej të mërkurën në orën 13:00, por programi ka ndryshuar. Laçi-Partizani do të luhet në orën 16:00 së bashku me 2 ndeshjet e tjera, Kukësi-Teuta dhe Tirana-Vllaznia.
Te Laçi kërkojnë me çdo kusht fitore përballë një rivali direkt, ndërsa dy ditë më parë nuk munguan as “kunjat” nga kampi bardhezi për shkak se Partizani i fitonte ndeshjet pa u djersitur shumë.
