Deidre Olsen, 30 vjeç dhe shoqja e saj modele Chiderah Sunny, 25 vjeç të dyja nga Kanada, ndjenë një kimi të menjëhershme mes tyre kur u takuan dy vjet më parë. Ato tani jetojnë së bashku në Gjermani.
Marrëdhënia e tyre u kthye në diçka më shumë kur dyshja vendosën të martoheshin më 25 Shkurt 2021. Tani ato janë në përgatitje të dokumenteve për t’u martuar legalisht.
Chiderah tha për FEMAIL: ”E dija që e doja Deidre kur u transferuam për herë të parë në Berlin. Gjithçka ishte thjesht kaq magjike dhe e bukur. Perceptimi im për martesën ka ndryshuar. Nuk është e rrënjosur në dashurinë romantike, të cilën unë isha e kushtëzuar ta besoja.”
Të dyja vajzat kërkojnë seks të rastësishëm dhe shoqëri diku tjetër dhe këmbëngulin se janë të hapur për të evoluar marrëdhënien e tyre.
Deidre shtoi: “Ne e kuptuam se ishim shoqe shpirti kur u transferuam në Gjermani, duke pasur parasysh sa magji ndodh kur jemi së bashku. Para takimit me Chiderah, nuk kisha njohur kurrë dikë që kishte një ndikim kaq të fuqishëm në jetën time. Me të, malet lëvizin.”
Familja dhe miqtë janë mbështetës të vendimeve të tyre. Dyshja kërkon që të provojnë edhe eksperiencën e bashkë-prindërimit dhe krijimin e një familje.
