Qarku i Korçës ka numëruar të gjitha votat në 427 qendrat e votimit. PS rezulton fituese me 60 543 vota (48.90% të toalit të votave), PD ka marrë 50 479 vota (40.77%), LSI 8 485 vota (6.85%), ndërsa PSD e Tom Doshit 1 268 vota (1.02%).
E përkthyer në mandate, PS merr 6 mandate dhe PD 5.
Krahasuar me vitin 2017, PS humb rreth 2.000 vota, PD rritet, ndërsa LSI, që këto zgjedhje nuk arriti të siguronte mandat në Korçë, ka një rënie me rreth 10 000 vota.
Sipas listës së PS, nëse nuk ka thyerje të herësit nga kandidatët, deputetë në Kuvend do të jenë: Eni Zake, Blerina Gjylameti, Ilir Pendavinji, Ilir Topi, Olta Xhaçka, Niko Peleshi.
Ndërsa nga PD, gjithnjë nëse nuk ka thyerje herësi, në Kuvend do të jenë: Edmond Spaho, Sorina Koti, Ervin Salianji, Bledion Nallbati, Salaudin Jakupllari.
