Kandidati i PD në qarkun e Lezhës, Mark Marku, njëherësh dhe drejtues politik, e ka cilësuar një fitore të madhe rezultatin e opozitës në këtë qark në zgjedhjet e 25 prillit.
Me anë të një mesazhi në facebook, Marku thekson s eavarësisht se përballë kishin një makineri shtetërore që bleu dhe vodhi vota, PD arriti të marrë nj rezultat historik.
Ndërkohë Marku thekson se PD, por edhe ndërkombëtarët nuk do t’i njohin kurrë këto zgjedhje.
Postimi i Markut:
Të dashur qytetarë të Lezhës, Kurbinit, Mirditës.
Të dashur vellezër dhe motra.
Falë mbështetjes tuaj, ne arritëm një fitore të madhe në gjithë qarkun (5900 vota plus) më të madhe, në gjithë historinë e pluralizmit.
Me gjithë milionat e parave të hedhura nga pushteti i korruptuar i Ramës, me gjithë llumin e krimit që përmbyti si asnjëherë tjetër Lezhën, Kurbinin dhe Mirditën, ju treguat në mënyrë shembullore se asgjë nuk e mposht karakterin, dinjitetin dhe shpirtin e lirë të qytetarëve të zonës sonë, asgjë dhe askush nuk e përdhos krenarinë tonë.
Si drejtues politik i qarkut bashkë me kolegët ju falenderoj përzemërsisht dhe ju garantoj se do të jemi në lartësinë e gjestit tuaj fisnik. Shumë prej jush me lot në sy, sot më kanë shprehur deshpërimin për faktin se ajo që nuk ndodhi në Lezhë apo diku tjetër ndodhi në Shqipëri.
Paratë që u janë vjedhur juve nga qeveria më e korruptuar në botë, pra nga Rama, dhe llumi i krimit na i vodhën zgjedhjet në shkallë vendi.
Ju garantoj se Partia Demokratike nuk do ti njohë kurrë këto zgjedhje, dhe do punojë që shumë shpejt pushteti nga duart e bandës grabitëse të Rilindjes të kalojë tek populli.
Jam i bindur se SHBA, BE dhe gjithë bota demokratike nuk do ta njohin Lukashenkon e Ballkanit, Edi Rama dhe zgjedhjet e tij.
Shumë shpejt e gjithë Shqipëria do bëhet si Qarku jonë, zonë e lirë dhe demokratike.
Miqësisht, Mark Marku.
