Komisioneri Shtetëror i Zgjedhjeve Ilirian Celibashi në një dalje për mediat tha se ka përfunduar numërimi në 4922 Qendra Votimi nga 5199 që janë në total.
“Ka përfunduar terësisht procesi i numërimit dhe vlerësimit për partitë politike, koalicionet dhe kandidatët e pavarur në Shkodër, Lezhë, Kukës, Fier, Elbasan, Gjirokastër, Korçë, Dibër dhe Vlorë. Për Tiranën dhe Durrësin procesi ka përfunduar në 11 VNV dhe është në proces në 13 të tjera, ose në total 277 Qendra Votimit. Procesi i numërimit të votave për kandidatët ka përfunduar në 11 VNV dhe ka filluar në 23 të tjera”,- u shpreh Celibashi.
Sipas tij pjesëmarrja në zgjedhje pas përfundimit të numërimit të fletëve të votimit për 4922 qendra votimi është 45.72 % ose 1 551 921 votues nga 3 393 748 zgjedhës në listat e këtyre QV që kanë raportuar, 270 QV.
Shpërndarja e mandateve në rang vendi deri tani është:
Berat – PD 2 PS 5 mandate
Dibër – PD 3 PS 2 mandate
Durrës – PD 6 PS 8 mandate
Elbasan – PD 6 PS 8 mandate
Fier – LSI 1, PD 6, PS 9 mandate
Gjirokastër – PD 1, PS 3 mandate
Kukës – PD 2, PS 1 mandate
Lezhë – PD 4, PS 3 mandate
Shkodër – PSD 2, LSI 1, PD 5, PS 3 mandate
Tiranë – PSD 1, LSI 2, PD 15, PS 18 mandate
Vlorë – PD 4, PS 8 mandate
“Po numërohen nga afër dhe po monitorohet procesi i votimit në qendrat ku nuk kanë përfunduar ende. Çdo vonesë numërimi do të shoqërohet me sanksione administrative dhe penale”,- u shpreh Celibashi.
Ilirjan Celibashi theksoi se KQZ ka marrë të gjitha masat që ky proces zgjedhor të mos shndërrohet në Pazar elektoral.
“Kemi të gjitha materialet filmike të procesit të numërimit”,– shtoi ai.
