Votat e pavlefshme janë një tjetër detaj që bien në sy deri në këto momente kur procesi i numërimit vijon ende në gjysmat e qendrave të votimit.
Sipas të dhënave të deritanishme nga 930 mijë vota të numëruara deri tani kanë rezultuar 47 615 vota të pavlefshme, që me përafërsi mund të përktheheshin në 4 mandate.
Nuk dihet nëse kjo sasi e madhe e fletëve të pavlefshme është një mënyrë e të votuarit nga qytetarët, por dyshohet se shumë prej tyre mund të kenë hasur vështirësi në procesin e votimit.
Fleta e votimit ishte një nga debatet kryesore mes palëve gjatë përgatitjes së zgjedhjeve, ku opozita kërkonte që në fletët të vendoseshin dhe emrat e kandidatëve.
