Presidenti Ilir Meta dhe bashkëshortja e tij, Monika Kryemadhi, kryetare e LSI, votuan sot rreth orës 07:00 në qendrën e votimit 1818 në Tiranë, e cila i përket njësisë administrative nr5.
Presidenti Meta i ka drejtuar një apel qytetarëve që të votojnë të lirë dhe me dinjitet, për alternativën që ata besojnë.
“Zgjidhni kandidatët më të ndershëm dhe më me integritet që do të punojnë për Shqipërinë europiane. Qytetarët kanë sot punën më të rëndësishme: të votojnë. Sot votimi është akt patriotik.Atdheu sot mbrohet me votë të qytetëruar dhe europiane”, tha Meta.
