Partizani fitoi dje 4-0 me Kukësin në “Air Albania”. Në këtë duel mori minuta edhe blerja më e re e Partizanit, Roberto Domingues.
Edhe pse mund të duket e çuditshme koha e debutimit, lojtari luajti dje 12 minutat e para qysh kur u bashkua me Demat në janar.
Lojtari nga El Salvador zëvendësoi Çinarin në minutën e 78, teksa u pa në mesfushë si shkatërrues. Duket se konsolidimi I qendrës së mbrojtjes ka bërë që Daja t’i “sajojë” një rol të ri lojtarit 23 vjeçar që më herët ka luajtur me Bolivar në Bolivi.
Tanimë duket se Domingues është ambientuar me futbollin në Shqipëri, duke qenë një forcë më shumë për të kuqtë në sprintin final drejt titullit kampion.
